Galdakaoko udalaren Kirol Arloak Gabonetako lehenengo kirol-kolonietan izena emoteko epea zabaldu dau, 6 eta 13 urte arteko gazteei zuzenduta. Inskripzio-epea abenduaren 20ra arte izango da, Urreta eta Unkinako kiroldegietan edo udalaren web-orrian (www.galdakao.eus). Kirol-koloniak talde bitan egingo dira, 09:00etatik 14:00etara, Abenduaren 24, 26, 27 eta 28an eta abenduaren 31, urtarrilaren 2, 3 eta 4an.
Kolonia honeetan, begiraleak izango dituzten jarduera-programa zabala eskainiko da: areto-futbola, saskibaloia, padela eta squash (Urreta), pala eta frontenis (Unkina), igeriketa, herri-jolasak, psikomotrizidade-jolasak… Izena ematearen prezioa 56 eurokoa da asteko abonatuentzat eta 67,20 eurokoa ez abonatuentzat.
