El Karpin fauna-zentroak jarduera ugari eskaintzen ditu urte amaiera bitartean, espazio naturalarekiko interakzioa eta bisitarien sustapena bultzatzeko. Jarduera-egutegi hori Enkarterriko Mankomunitatearen eta BBK Fundazioaren arteko lankidetza-hitzarmenaren emaitza da. Jarduera hauetaz gozatu nahi duten guztiek, El Karpineko sarrerarekin batera, ekimen hauetan parte hartu ahal izango dute, besteak beste:
– Motxila Miatzailea: asteburuero egin ahalko da, abenduaren 16ra bitartean. Familiei zuzenduta dago, eta El Karpinen esparruan ibilbide bat egin beharko da, ikerketa-lanak egiteko. Horretarako, harreran eta leihatilan motxila bat lagako da beharrezkoak diren baliabide eta materiak guztiekin: prismatikoak, landa-koadernoa, mapa, estutxea, margoak…
– Abenduaren 16ra bitartean, El Karpineko erakusketen aretoan, “Biodiversidad a un kilómetro de casa/ Bioaniztasuna etxetik kilometro batera” argazki-erakusketa egongo da ikusgai. Mikel Arrazolaren erakusketak 35 argazki izango ditu, hiriaren inguruan argazki-ezkutaleku batetik hartutakoak. Bertatik, hegaztien, orkatzen, basurdeen eta beste animalia batzuen oso argazki ederrak hartu dira.
– Animaliak elikatzea: abenduaren 16ra bitartean, El Karpinera hurbiltzen diren guztiek animaliei jaten ematen ikusteko aukera izango dute, eta, bertan, espezie horri buruzko hitzaldia emango da.
– Bisitaldi gidatuak: abenduaren 16ra bitartean, 45 minutuko bisitaldi gidatuak egin ahalko dira, El Karpineko gune ezberdinak sakonki ezagutzeko. Jende guztiarentzako da, eta 14:00etatik aurrera hainbat ibilaldi egingo dira parkeko instalazioetan zehar.
– Familientzako tailerrak: Familiako kide guztiek jolas- eta hezkuntza-jarduera bat egingo dute, lankidetza eta talde-lana sustatzeko.
– Gabonak ate joka: Gabonak hurbil daudenez, oso aitzakia egokia da El Karpin bisitatzeko eta egun horietarako berariaz egindako eskaintza baliatzeko. Abenduaren 22an hasiko da eta natura izango du testuinguru. Horiek horrela, jardueraren gaiak “Gabonetako natura, animaliak oparitu? Ez, mila esker! eta Olentzerori Gutuna izango dira.
