Aspaldi hitz egin genizuen Arrazolako Bide Berdeari buruz. Famili artean, etxeko txikienekin egiteko txango aproposa da hau. Artikulu horretan, bide honen amaieratik Besaidera igotzeko aukera ere bazela aipatu genizuen. Guk, bide bukaerara iristiean izan genuen aukera honen berri eta zintzilik utzi beharra izan genuen, berandu egin baitzaitzaigun. Arantzatxo hori sartuta genuenez, bokata batzuk hartu eta txikitxoekin joan ginen hura ezagutzera.
Besaide familian
564 metroko garaierarekin, Besaide edo Betsaide, Udalaitz eta Anboto mendien ikuspegi ikusgarriak eskaintzen dituen tontor txiki bat da. Besaideren jakin-mina gailurrean Euskadiko 0 kilometroa dagoela da. Errepideak ez dira hemendik ateratzen Madrilgo Puerta del Solen gertatzen den bezala, baina honen gailurrean hiru euskal probintziak elkartzen diren puntua aurkitzen da: Bizkaia, Araba eta Gipuzkoa.
Jar gaitezen martxan
Besaidera igotzeko, hainbat ibilbide ditugu, batzuk besteak baino errazagoak. Hainbat udalerritatik sar gaitezke: Arrasatetik, Elorriotik eta Arrazolatik, adibidez.
Guk igoera ‘El Tope’ -etik egin genuen. Bide berdearen amaieran dagoen bidea da. Egia esan, oso haur txikiekin bazoaz, ez dizuegu aholkatzen, bide osoa maldan gora delako eta bidea nahikp lokaztuta dagoelako. Guk zortea izan genuen, aurreko egunetan euri askorik egin ez zuenez, bidea nahiko lehorra zegoelako. Ibilaldia 45-60 minutukoa da.
Guri txango bikaina iruditu zitzaigun eta horregatik gomendatzen dizuegu. Nahiz eta aldapa handitxoa izan, merezi du bide horretatik igotzea, garai bateko meatze-esportazio zaharretarako sarrerak aurki ditzakezulako zirrikituetatik. Gainera, bistak ikusgarriak dira. Gailurrera iristean, mendietan bizia utzi zuten mendizaleen omenezko bi eskultura erraldoi eta bitxik ongietorria ematen digute. Lehenengoa Yoshin Ogata artista japoniarrarena da eta bigarrena Luis Pueyorena. Azken honen oinetan dago Euskadiko 0 kilometro hori irudikatzen duen monolitoa.
Igotzen bazarete, mendi honen tontorra oroitzen duen eskulturaren arkuen artean begiratu, puntu horretatik Anboto mendiaren muturra ikusteko aukera izango baituzue.
Ziur gaude familian Besaidera egingo duzuen txango hau izugarri gustatuko zaizuela.
Animatzen zarete?
